काठमाडौं । नेपाल इन्भेष्टर फोरमका अध्यक्ष छोलेलाल रौनियारले तत्कालै बैंकका सहायक कम्पनीलाई ब्रोकर लाईसेन्स दिन र ब्रोकर कमशिन घटाउन आग्रह गर्नुभएको छ ।
नेपाल धितोपत्र बोर्डले आगामी आर्थिक वर्षको नीति तथा कार्यक्रमको लागि सुझाव लिन आयोजना गरेको कार्यक्रममा यस्तो बताउनु भएको हो । उहाँले पुँजी बजारको विकास गर्नको लागि ७५३ स्थानमा बैंकका सहायक कम्पनी जान दिनुपर्ने बताउनुभयो ।
उहाँले यथासिर्घ बैंकका सहायक कम्पनीलाई ब्रोकरको लाईसेन्स दिएर बजारको विकास आवश्यकमा लाग्न आग्रह गर्नुभएको छ । यसअघि बोर्डले ब्रोकर कमशिन ०।२७ देखि ०।४० प्रतिशतसम्म मात्रै घटाएको र त्यसले लगानीकर्तालाई हर्ष न विस्मात बनाएको बताउनुभयो ।
उहाँले बोर्डले ५१ वटा कम्पनीको नाम सार्वजनिक गरेर गल्ती गरेको धारणा राख्नुभयो । त्यसले बजारमा असर परेको उहाँको तर्क छ ।
सेयर लगानीकर्ता संघका अध्यक्ष उत्तम अर्यालले पुँजी बजारले देशको अर्थतन्त्रलाई र देशको राजस्वमा निकै योगदान दिएको जानकारी गराउनुभयो ।
पुँजीबजारमा अनावश्यक पैसा आयो भन्नु भन्दा पनि नियामकले आफ्नो काम गर्नुपर्ने उहाँको भनाई छ । बोर्डले लगानीकर्ताको सम्पतिको सुरक्षा कसरी गर्ने भन्नेमा ध्यान दिन आग्रह गर्नुभयो । उहाँले पनि ब्रोकर कमिशन, सेबोन कमिशन घटाउन आग्रह गर्नुभयो ।
अहिलेपनि लगानीकर्ता क्लोज आउटको मसस्या रहेको भन्दै त्यो समस्या समाधन गर्न आग्रह गर्नुभयो । अध्यक्ष अर्यालले अहिलेको इन्डेक्स नमिलेको र इन्डेक्समा पुनरावलोकन गर्ने हो भने बजार धेरै तल जाने धारणा राख्नुभयो ।
उहाँले कम्पनीले हकप्रद सेयर जारी गर्दा कसैलाई पनि असर नपर्ने र कम्पनी आर्थिक अवस्थालाई सुदृढ बनाउन सहयोग गर्ने बताउनुभयो ।
वि.सं.२०७८ असार २५ शुक्रवार १७:२१ मा प्रकाशित