काठमाडौं । साताको पहिलो कारोबार दिन बैंकिङ समूहमा लगानीकर्ता झुम्मिएका छन् । उक्त दिन बैंकिङ समूह ४४ अंकले वृद्धि भएको छ ।
आज सबैभन्दा बढी कारोबार गर्ने पनि बैंकिङ समूहहरु नै छन् । ८ अर्ब ६ करोड बढीको सेयर कारोबार हुँदा आज सबैभन्दा धेरै एनआईसी एशिया बैंकको खरिदबिक्री भएको छ ।
उक्त दिन बैंकको ३९ करोड ९६ लाख ११ हजार रुपैयाँ बराबरको कारोबार भएको छ । उक्त दिन बैंकको ४ लाख १९ हजार ८४ कित्ता सेयर खरिदबिक्री भएको नेप्सेले जनाएको छ । बैंकको सेयर मूल्य प्रतिकित्ता ९६४ रुपैयाँ रहेको छ ।
यस्तै, आज कारोबारकै आधारमा दोस्रो स्थानमा रहेको नबिल बैंकको २५ करोड ८१ लाख ८२ हजार रुपैयाँ बराबरको कारोबार भएको छ । बैंकको आज १ लाख ९२ हजार २९४ कित्ता सेयर खरिदबिक्री भएको हो । बैंकको सेयर मूल्य प्रतिकित्ता १ हजार ३४५ रुपैयाँ रहेको छ ।
आइतबार नेपाल बैंकको २४ करोड ४३ लाख ८४ हजार रुपैयाँ बराबरको सेयर कारोबार भएको छ । आज बैंकको ५ लाख ४९ हजार ३७७ कित्ता सेयर खरिदबिक्री भएको छ । बैंकको सेयर मूल्य प्रतिकित्ता ४४९ रुपैयाँ रहेको छ ।
त्यसैगरि, आइतबार नेपाल इन्फ्रास्ट्रक्चर बैंक( निफ्रा)मा पनि लगानीकर्ता झुम्मिएका छन् । आज बैंकको १८ करोड ७८ लाख ४५ हजार रुपैयाँको सेयर कारोबार भएको छ । उक्त दिन बैंकको ३ लाख ७३ हजार ३२९ कित्ता सेयर खरिदबिक्री भएको हो । बैंकको सेयर मूल्य प्रतिकित्ता ५११ रुपैयाँ रहेको छ ।
यी बैंकसहित आज मञ्जुश्री फाइनान्सको १७ करोड ६७ लाख ५१ हजार, हिमालयन हिस्टीलरीको १७ करोड ६२ लाख ६८ हजार, छिमेक लघुवित्त विकास बैंकको १७ करोड ४३ लाख १८ हजार, ज्योति विकास बैंकको १७ करोड १२ लाख ९१ हजार रुपैयाँको सेयर काराबोर भएको छ ।
यी हुन् आज सबैभन्दा बढी सेयर कारोबार गर्ने कम्पनीहरु :
वि.सं.२०७८ असार २७ आइतवार १५:३१ मा प्रकाशित
