काठमाडौं । एक डोज मात्रै लगाए पुग्ने कोरोना विरुद्धको अमेरिकी खोप नेपाल ल्याईएको छ ।
अमेरिकी खोप उत्पादन कम्पनी जोन्सन एण्ड जोन्सनले बनाएको कोरोना बिरुद्धको खोप सोमबार बिहान कतार एयरलायन्सको विमानमार्फत नेपाल आएको हो । जसमा १५ लाख डोज खोप ल्याईएको छ ।
यो खोप नेपालका लागि अमेरिकी राजदूत र्यान्डी बेरीले स्वास्थ्य तथा जनसंख्या मन्त्री कृष्ण गोपाल श्रेष्ठलाई खोप हस्तान्तरण गर्नुभएको छ ।
कार्यक्रममा मन्त्री श्रेष्ठले अमेरिकाले नेपाललाई यसअघि पनि भेन्टिलेटर लगायतका स्वास्थ्य सामग्री सहयोग गरेको स्मरण गरे । उहाँका अनुसार यो खोप ५० देखि ५४ बर्ष उमेर समूहका मानिसलाई लगाईने छ ।
वि.सं.२०७८ असार २८ सोमवार १०:४७ मा प्रकाशित