काठमाडौं । नवनियुक्त अर्थमन्त्री जनार्दन शर्माले बुधबार पदभार ग्रहरण गर्नुभएको छ ।
पदभार ग्रहरण गर्दै मन्त्री शर्माले कोरोना महामारीले गर्दा गरिब जनता, रोजगारीको समस्या, विकास निर्माणका काममा अवरोध र व्यापार व्यवसायमा आएको संकटमा मल्हम लगाउन पहल गर्ने प्रतिबद्धता जनाउनु भएको छ ।
उहाँले अर्थतन्त्रलाई पुनरुत्थान र पुनर्जीवित बनाउनको लागि मार्गचित्र तयार पार्न र आर्थिक विकासका लागि प्राथमिकिकरण गरेर अघि बढन कर्मचारीलाई निर्देशन दिनुभएको छ ।
मन्त्री शर्माले आफ्नो क्षमताले भ्याएसम्म काम गर्ने र कर्मचारीबाट पनि सहयोग तथा उत्कृष्ट कार्यसम्पादनको अपेक्षा राखेको जानकारी गराउनुभयो । मन्त्री शर्माले आफू कसैको अनुहार, कुनै झण्डा नहेरी काम गर्ने धारणा राख्नुभयो ।
‘आफ्नो क्षेत्रमा पाएको जिम्मेवारी र कामलाई कसरी अगााडि बढाउने कसरी प्रभावकारी बनाउने, कसरी पारदर्शी बनाउने र जनताका लागि केहि न केहि योगदान कसरी गर्ने भन्ने मेरो प्रतिवद्धता छ’ उहाँले भन्नुभयो ‘यो मेरो मात्र नभएर हामी सबैको प्रतिवद्धता हुनुपर्छ ।’
पदभार ग्रहणगर्दै बढ्दो व्यापार घाटालाई सन्तुलनमा ल्याउनका लागि छुट्टै सुधार कार्यक्रम ल्याउनु आवश्यक रहेकाले त्यसको तयारी गर्न निर्देशन समेत दिनुभएको छ ।
वि.सं.२०७८ असार ३० बुधवार १२:३० मा प्रकाशित
