काठमाडौं । नेपालमा पछिल्लो २४ घण्टाको अवधिमा थप २ हजार ६७६ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार १२ हजार ७६८ जनामा गरिएको परीक्षणमा उक्त संख्यामा संक्रमित थपिएका हुन्।
मन्त्रालयका अनुसार ८ हजार २५६ जनाको आरटी पीसीआर र ४ हजार ५१२ जनामा एन्टिजेन परीक्षण भएको छ । यसमध्ये पीसीआर परीक्षणमा एक हजार ७८२ र एन्टिजेन परीक्षणमा ८९४ जनामा संक्रमण पुष्टि भएको मन्त्रालयले जनाएको छ ।
योसंगै नेपाल कुल कोरोना संक्रमितको संख्यामा ६ लाख ६२ हजार ५७० पुगेको छ । नेपाल २६ हजार ६३९ जना सक्रिय संक्रमित छ ।
२४ घण्टामा थप १ हजार ७५७ जना कोरोना संक्रमणमुक्त भएका छन । थप ३३ जनाको मृत्यु भएको छ । मन्त्रालयका अनुसार हालसम्म नेपालमा कोरोना संक्रमणमुक्त हुनेको संख्या ६ लाख २६ हजार ४६८ पुगेको छ । कोरोनाबाट हालसम्म ९ हजार ४६३ जनाको ज्यान गएको छ ।
वि.सं.२०७८ असार ३१ बिहीवार १६:५८ मा प्रकाशित