काठमाडौं । वाणिज्य बैंकहरुले धमाधम आगामी आर्थिक वर्ष २०७८-७९ को पहिलो महिना साउनको ब्याजदर सार्वजनिक गरिरहेका छन् । आजै पनि विभिन्न बैंकहरुले साउन १ गतेदेखि लागु हुनेगरी ब्याजदर सार्वजनिक गरेका छन् ।
राष्ट्र बैंकले गरेको व्यवस्था अनुसार आगामी महिनाको ब्याजदर यही महिनाको मसान्तसम्म सार्वजनिक गरिसक्नुपर्ने छ । जसले गर्दा बैंकहरुले वैशाखको ब्याजदर सार्वजनिक गरेका हुन् ।
माछापुच्छ्रे बैंकले नयाँ ब्याजदर सार्वजनिक गरेको छ । बैंकले साउन १ गतेदेखि लागू हुने सार्वजनिक गरेको नयाँ ब्याजदरमा बचतमा न्यूनतम २.०५ देखि ४ प्रतिशतसम्म रहेको छ । यस्तै मुद्दती निक्षेपमामा व्यक्तिगत तर्फ ७.०५ र संस्थागत तर्फ ७ प्रतिशत ब्याज पाइने छ ।
बैंकका अनुसार जेठसम्मको आधारदर ६.८९ प्रतिशत रहेको छ । बैंकबाट कर्जा लिँदा १३.८९ प्रतिशतसम्म ब्याज लाग्ने छ ।
नबिल बैंकले पनि नयाँ ब्याजदर सार्वजनिक गरेको छ । नबिल बैंकले बचतमा न्यूनतम १.५१ देखि अधिकतम ३.५१ प्रतिशतसम्म रहेको छ ।
यस्तै मुद्दती निक्षेपमा व्यक्तिगत तर्फ ५.०१ देखि ६.५१ प्रतिशत र संस्थागत तर्फ ४.०१ देखि ६.५१ प्रतिशतसम्म ब्याज पाइने छ ।
बैंकको जेठसम्मको आधारदर ५.७१ प्रतिशत रहेको छ । बैंकबाट कर्जा लिँदा १२.७१ प्रतिशतसम्म ब्याज लाग्ने छ ।
एभरेष्ट बैंकले पनि भोलीदेखी लागू हुने गरि नयाँ ब्याजदर सार्वजनिक गरेको हो । बैंकका बचत खातामा न्यूनतम २.५० देखि अधिकतम ४ प्रतिशत रहेको छ । यस्तै मुद्दती निक्षेपमा व्यक्तिगत तर्फ ६ देखि ७ र संस्थागत तर्फ ६ देखि ७.५० प्रतिशतसम्म ब्याज पाइने छ । बैंकको जेठ महिनासम्मको आधारदर ५.८९ प्रतिशत रहेको छ । बैंकबाट कर्जा लिँदा १०.८९ प्रतिशतसम्म ब्याज लाग्ने छ ।
नेपाल बंगलादेश बैंकले पनि भोलीदेखी लागू हुने गरि नयाँ ब्याजदर सार्वजनिक गरेको हो । बैंकका अुनसार बचत खातामा न्यूनतम २.५० देखि अधिकतम ३.५० प्रतिशतसम्म रहेको छ । यस्तै मुद्दती निक्षेपमा व्यक्तिगत तर्फ ७.२५ देखि ७.५० र संस्थागत तर्फ ७.२५ देखि ७.५० प्रतिशतसम्म ब्याज पाइने छ ।
सिद्धार्थ बैंकले साउन १ गतेदेखी लागू हुने गरि नयाँ ब्याजदर सार्वजनिक गरेको हो । बैंकका अुनसार बचत खातामा न्यूनतम २.५ देखि अधिकतम ४ प्रतिशतसम्म रहेको छ । यस्तै मुद्दती निक्षेपमा व्यक्तिगत तर्फ ७ र संस्थागत तर्फ ७ देखि ७.५ प्रतिशतसम्म ब्याज पाइने छ । जेठसम्म बैंकको आधारदर ६.६९ प्रतिशत रहेको छ । बैंकबाट कर्जा लिँदा ११.६९ प्रतिशतसम्म ब्याज लाग्ने छ ।
कुमारी बैंकको मुद्दति निक्षेपमा ६ देखि ८ प्रतिशतसम्म ब्याजदर रहेको छ । बैंकको व्यक्तिगत तर्फ ६ देखि ७.६५ र संस्थागत तर्फ ६ ८ प्रतिशतसम्म रहेको छ ।
हाल बैंकको बचत तर्फ न्यूनतम २ देखि अधिकतम ४ प्रतिशतसम्म ब्याज दिने जनाएको छ । जेठसम्म बैंकको बेस रेट ७.४० प्रतिशत रहेको छ । बैंकबाट कर्जा लिँदा १४.४० प्रतिशतसम्म ब्याज लाग्ने छ ।
एनएमबी बैंकले सार्वजनिक गरेको नयाँ ब्याजदरमा बचतमा न्यूनतम २.५० देखि अभिकतम ४.५० प्रतिशतसम्म ब्याज रहेको छ । यस्तै मुद्दती निक्षेपमा ६.५० देखि ७.८० प्रतिशतसम्म ब्याज पाइने छ । बैंकले कर्जा लिँदा बेसरेटमा ५ प्रतिशतसम्म थपेर कर्जा दिने जनाएको छ ।
सनराइज बैंकले साउन १ गतेदेखि लागू हुनेगरी प्रकाशित गरेको ब्याजदरमा बचत तर्फ न्यूनतम २.५७ देखि अधिकतम ४ प्रतिशतसम्म रहेको छ । यस्तै मुद्दती निक्षेपमा व्यक्तिगत तर्फ ७ देखि ७.५० र संस्थागत तर्फ ६.५० देखि ७.५७ प्रतिशतसम्म रहेको छ । जेठ मसान्तसम्म बैंकको आधारदर ६.७२ प्रतिशत रहेको छ । बैंकबाट कर्जा लिँदा १२.७२ सम्म ब्याज लाग्ने छ ।
यस्तै एसबीआई बैंकले पनि नयाँ ब्याजदर सार्वजनिक गरेको छ । बैंकका अनुसार बचतमा ३.०१ प्रतिशत ब्याजदर रहेको छ भने मुद्दती निक्षेपमा व्यक्तिगत तर्फ ३.०१ देखि ८ प्रतिशतसम्म ब्याज पाइने छ । संस्थागत तर्फ भने ३.०१ देखि ८.०१ प्रतिशतसम्म रहेको छ ।
जेठसम्म बैंकको आधारदर ७.३८ प्रतिशत रहेको छ । बैंकबाट कर्जा लिँदा १२.३८ प्रतिशतसम्म ब्याज लाग्ने छ ।
वि.सं.२०७८ असार ३१ बिहीवार १७:०८ मा प्रकाशित