काठमाडौं । मुक्तिनाथ विकास बैंकको ऋणपत्रमा आवेदन दिने आज अन्तिम दिन हो । आज कार्यालय समय भित्र मात्रै आवेदन दिन सकिने छ ।
बैंकले ७ गतेदेखि १ अर्ब २५ करोड रुपैयाँको १२ लाख ५० हजार कित्ता ऋणपत्र निष्कासन खुला गरेको थियो । १२ लाख ५० हजार कित्तामा मध्ये ७ लाख ५० हजार कित्ता बैंकले नै विभिन्न संघ संस्थालाई बिक्री गर्ने भएको छ । यस्तै ५० करोड रुपैयाँ ५ लाख कित्ता सर्वसाधारणका लागि छुट्याएको छ । जसबाट १५ हजार कित्ता सामूहिक लगानीको लागी छुट्याएको छ ।
७ वर्ष अवधिको ऋणपत्रमा बार्षिक ८.७५ प्रतिशत व्याज रहेको छ । यसको बिक्री प्रबन्धकमा सानिमा क्यापिटल रहेको छ । ऋणपत्रमा न्यूनतम २५ कित्तादेखि अधिकतम ५ लाख कित्ताका लागि आवेदन दिन सक्नेछन् । आवेदन सी–आश्वा सदस्य रहेका बैंक तथा वित्तीय संस्था रतथा मेरो सेयरबाट आवेदन दिन सकिने छ ।
वि.सं.२०७८ साउन १२ मंगलवार १०:३३ मा प्रकाशित
