काठमाडौं । आउँदो साउन २७ गतेदेखि मानुषी लघुवित्त वित्तीय संस्थाको आईपीओ निष्काशन हुने भएको छ । कम्पनीले ३ करोड ९३ लाख ७५ हजार रुपैयाँ बराबरको ३ लाख ९३ हजार ७५० कित्ता आइपीओ निष्कासन गर्ने भएको हो ।
कम्पनीले निष्काशन गर्न लागेको कुल कित्तामध्ये ५ हजार ४६९ कित्ता कर्मचारीको लागि, १९ हजार ६८८ कित्ता सामुहिक लगानी कोषको लागि छुट्याएको र बाँकी रहेको ३ लाख ६८ हजार ५९३ कित्ता सर्वसाधारणको लागि निष्कासन गर्नेछ ।
उक्त आईपीओमा न्युनतम १० कित्ता र अधिकतम १ हजार कित्तासम्मका लागि आवेदन दिन सकिने कम्पनीले जनाएको छ ।
उक्त आईपीओमा साउन ३१ गतेसम्म आवेदन दिन सकिने कम्पनीले जनाएको छ । तोकिएको समयसम्म माग बमोजिम आवेदन नपरेको खण्डमा भदौ ९ गते सम्म आवेदन दिन सक्नेछन् ।
कम्पनीले उक्त आईपीओ निष्काशन तथा बिक्रीका लागि नेपाल धितोपत्र बोर्डले गत असार ३१ गते कम्पनीलाई अनुमति दिएको थियो । कम्पनीको चुक्तपुँजी ७ करोड रुपैयाँ छ ।
कम्पनीको आईपीओ निष्काशन तथा बिक्री प्रबन्धकमा नेपालप एसबिआई मर्चेण्ट बैंकिङ्ग लिमिटेड रहेको छ ।
वि.सं.२०७८ साउन १२ मंगलवार १३:२२ मा प्रकाशित
