काठमाडौं । नबिल बैंकले निष्काशन गरेको ऋणपत्रमा माग अनुसार आवेदन नपरेपछि समय थपिएको छ ।
बैंकले साउन १० गतेदेखी आज (साउन १३ गते) सम्म आवेदन दिन सक्नेगरी ऋणपत्र निष्काशन गरेको थियो । माग अनुसार आवेदन नपरेका कारण २४ गतेसम्म आवेदन दिन सकिने छ ।
बैंकले ३ अर्ब रुपैयाँ ३० लाख कित्ता ऋणपत्र निष्काशन गरेकोमा १८ लाख कित्ता बैंकले विभिन्न संघसंस्थालाई बिक्री गर्ने र १२ लाख कित्तामा सर्वसाधारणले आवेदन दिन सक्ने व्यवस्था गरेको थियो । वार्षिक ८ प्रतिशत ब्याजदर रहेको ऋणपत्रको अवधि ७ वर्षको रहेको छ ।
लगानीकर्ताले न्यूनतम २५ देखि अधिकतम सबै कित्ताका लागि आवेदन दिन सक्नेछन् । लगानीकर्ताले सी-आस्वा सदस्य बैंक तथा वित्तीय संस्था र मेरो सेयरबाट आवेदन दिन सकिने छ । यसको बिक्री प्रबन्धकको हिमालयन क्यापिटल रहेको छ ।
वि.सं.२०७८ साउन १३ बुधवार १२:४७ मा प्रकाशित
