काठमाडौं । नेपालमा शुक्रवार थप ३ हजार ६११ जनामा कोरोना संक्रमण पुष्टि भएको छ ।
९ हजार ७८३ पीसीआर परीक्षण गर्दा २ हजार ४६७ जना र ४ हजार ८७८ एन्टिजेन परीक्षण गर्दा १ हजार १४४ जनामा कोरोना संक्रमण देखिएको हो ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टाको अवधिमा थप २७ जनाको मृत्यु भएको छ । थप १ हजार ८१६ जना कोरोना संक्रमणमुक्त भएका छन् ।
हालसम्म नेपालमा कोरोना संक्रमितको कुल संख्या ६ लाख ९३ हजार १०९ पुगेको छ । यी मध्ये ३१ हजार १४ जना संक्रिय संक्रमित र ६ लाख ५२ हजार २६१ जना निको भएको मन्त्रालयले जनाएको छ ।
कुल संक्रमितमध्ये हालसम्म कोरोनाका कारण नेपालमा ९ हजार ८३४ जनाको ज्यान गएको छ ।
वि.सं.२०७८ साउन १५ शुक्रवार १६:५३ मा प्रकाशित