काठमाडौं । बुधवार सुनको मूल्यमा गिरावट आएको छ । साताको चौथो कारोबार दिन छापावाला सुनको मूल्य तोलामा ३ सय रुपैयाँले घटेको हो ।
अघिल्लो दिन ९२ हजार ३ सय रुपैयाँमा कारोबार भएको सुन आज घटेर ९२ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघले आजका लागि तेजावी सुनको मूल्य ९१ हजार ५ सय रुपैयाँ निर्धारण गरेको छ । अघिल्लो दिन ९१ हजार ८ सय रुपैयाँमा कारोबार भएको थियो ।
यस्तै, उक्त दिन चाँदीको मूल्य भने प्रतितोला १० रुपैयाँले वृद्धि भएको छ । अघिल्लो दिन तोलामा १२ सय ७५ रुपैयाँमा खरिदबिक्री भएको चाँदी आज भने बढेर १२ सय ८५ रुपैयाँ कायम भएको महासंघले जनाएको छ ।
वि.सं.२०७८ साउन २० बुधवार १०:४१ मा प्रकाशित