काठमाडौं । आईपीओ निष्काशनको तयारीमा रहेको सिवाईसी नेपाल लघुवित्त वित्तीय संस्थाले गत आर्थि वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
गत वर्ष कम्पनीले ५ करोड १८ लाख २५ हजार रुपैयाँ नाफा कमाएको छ । जुन अघिल्लो वर्षको तुलनामा ५०.९८ प्रतिशतले बढी हो । कम्पनी अघिल्लो आवको सोही अवधिमा ३ करोड ४३ लाख २४ हजार रुपैयाँ नाफा आर्जन गरेको थियो ।
अघिल्लो वर्ष १० करोड १९ लाख ५२ हजार खुद ब्याज आम्दानी गरेको कम्पनीले गत वर्ष १३ करोड ९९ लाख १५ हजार रुपैयाँ खुद ब्याज आम्दानी गरेको छ ।
कम्पनीको निष्क्रिय कर्जा भने आधा घटाएको छ । अघिल्लो वर्ष ८.२३ प्रतिशत रहेको निष्क्रिय कर्जा गत वर्ष ४.८४ प्रतिशतमा झारेको छ ।
कम्पनीको चुक्तापुँजी ८ करोड २१ लाख ८ हजार रुपैयाँ रहेको छ । कम्पनीले जगेडा तथा कोषमा ९ करोड ३६ लाख ९४ हजार रुपैयाँ राखेको छ ।
कम्पनीले ३ लाख ९५ हजार ३३६.९७ कित्ता आईपीओ निष्काशनको प्रक्रिया अघि बढाएको छ । कम्पनीले आईपीओ निष्कासन गर्नका लागि बिक्री प्रबन्धकमा ग्लोबल आइएमई क्यापिटललाई नियुक्त गरेसँगै प्रक्रिया अगाडि बढाएको हो ।
कम्पनीले आवश्यक प्रक्रिया पुरा गरेर नियामक निकाय नेपाल धितोपत्र बोर्डमा निवेदन दिई स्वीकृती पाएपछि मात्र आईपीओ निष्कासन गर्नेछ ।
वि.सं.२०७८ साउन २४ आइतवार १३:०३ मा प्रकाशित
