काठमाडौं । इन्फिनिटी लघुवित्त वित्तीय संस्थाले गत आर्थिक वर्ष २०७७/७८ को चौथो त्रैमासमा १२ करोड ६० लाख ८६ हजार रुपैयाँ नाफा कमाएको छ ।
आइतबार कम्पनीले सार्वजनिक गरेको गत आवको चौथो त्रैमासिक वित्तीय अवस्थाले यस्तो देखाएको हो ।
कम्पनीको नाफा अघिल्लो आवको सोही अवधिको तुलनामा १८६.९९ प्रतिशतले बढी हो । अघिल्लो वर्ष कम्पनीले ४ करोड ७४ लाख १८ हजार रुपैयाँ नाफा आर्जन गरेको थियो ।
अघिल्लो वर्ष १५ करोड ५१ हजार ९९ हजार रुपैयाँ खुद ब्याज आम्दानी गरेको कम्पनीले गत वर्ष भने २७ करोड ५० लाख २ हजार रुपैयाँ आम्दानी गरेको छ ।
कम्पनीको चुक्तापुँजी २६ करोड ६ लाख ५० हजार रुपैयाँ रहेको छ । कम्पनी जगेडा तथा कोषमा १६ करोड ५८ लाख ७९ हजार रुपैयाँ राखेको छ ।
कम्पनीको खराब कर्जामा भने बढोत्तरी देखिएको छ । अघिल्लो वर्ष १.१६ प्रतिशत कजा खराब कर्जा रहेको कम्पनीको गत वर्ष भने बढेर ४.२७ प्रतिशत पुगेको छ ।
कम्पनीको प्रतिसेयर आम्दानी ४८ रुपैयाँ ३७ पैसा र प्रतिसेयर नेवटर्थ १६३ रुपैयाँ ६४ पैसा रहेको छ ।
वि.सं.२०७८ साउन २४ आइतवार १३:५९ मा प्रकाशित