काठमाडौं । साताको दोस्रो कारोबार दिन सुनको मूल्यमा गिरावट आएको छ । सोमबार नेपाली बजारमा छापावाला सुनको मूल्य प्रतितोला १ हजार रुपैयाँले घटेको हो ।
अघिल्लो दिन ९० हजार रुपैयाँमा कारोबार भएको सुनको मूल्य आज घटेर ८९ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघले आजका लागि तेजावी सुनको मूल्य ८८ हजार ५५० रुपैयाँ निर्धारण गरेको छ । आइतबार ८९ हजार ५५० रुपैयाँमा खरिदबिक्री भएको थियो ।
यस्तै, उक्त दिन चाँदीको मूल्यमा पनि गिरावट आएको छ । आज चाँदीको मूल्य प्रतितोला २५ रुपैयाँले घटेर १२ सय १५ रुपैयाँ कायम भएको महासंघले जनाएको छ । अघिल्लो कारोबार दिन १२ सय ४० रुपैयाँमा खरिदबिक्री भएको थियो ।
वि.सं.२०७८ साउन २५ सोमवार ११:२१ मा प्रकाशित
