काठमाडौं । सोमबार पनि सेयर बजारमा स्थिर बनेको छ । यो दिनको कारोबारमा निकै उतार चढाव देखिएको छ ।
निकै उतार चढाबकाबीच पनि बजारमा सामान्य सुधार भने देखिएको छ । बजार मापन गर्ने सूचक १.५४ अंकले बढेर परिसूचक ३१०९.६६ बिन्दुमा रोकिएको छ ।
२२४ कम्पनीको २ करोड ५३ लाख ९३ हजार ६९९ कित्ता सेयर १४ अर्ब १३ करोड ७३ लाख ३८ हजार ८८१ रुपैयाँको सेयर किनबेच भएको छ ।
कारोबारमा अधिकांश समूहको उपसूचकमा गिरावट आएको छ । जसमा हाईड्रोपावरमा कम्पनीमा लगानी गरेका लगानीकर्ता निकै मालामाल बनेका छन् ।
जलविद्युत समूहको उपसूचक ११९.५७ अंकले बढेको छ । यस्तै फाइनान्स कम्पनीको उपसूचक ९०.९१, निर्जीबन बीमा ३९, जीवन बीमा समूहको उपसूचकमा ४८.४ अंकको सुधार देखिएको छ । कारोबारमा बैंकिङ समूहको उपसूचक १२.०८, विकास बैंक ५३.१२, उत्पादन तथा प्रशोधन समूहको ५५.८२, माइक्रोफाइनान्स समूहको उपसूचक ५५.४४ अंकले घटेको छ ।
यो दिनको कारोबारमा अरुण भ्याली हाईड्रोपावर डेभलपमेन्ट कम्पनी कारोबार रकमको आधारमा अग्रस्थानमा रहेको छ । कम्पनीको ६७ करोड ४८ लाख ५५ हजार ८६० रुपैयाँको सेयर किनबेच भएको छ । दोस्रो र तेस्रो स्थानमा माथिल्लो तामाकोशी र अपी पावर कम्पनी रहेका छन् ।
वि.सं.२०७८ साउन २५ सोमवार १५:१२ मा प्रकाशित
