काठमाडौं । कालिका लघुवित्त वित्तीय संस्थाले गत आर्थिक वर्ष २०७७/७८ को चौथो त्रैमासम्म आईपुग्दा नाफामा उल्लेखीय सुधार देखिएको छ ।
उक्त अवधिमा कम्पनीले ५ करोड ५२ लाख १६ हजार रुपैयाँ नाफा कमाएको छ । मंगलवार कम्पनीले सार्वजनिक गरेको गत आवको चौथो त्रैमासिक वित्तीय अवस्थाले यस्तो देखाएको हो । अघिल्लो आवको चौथो त्रैमासमा कम्पनीको नाफा २९ लाख ६७ हजार रुपैयाँ रहेको थियो ।
कम्पनीको खुद ब्याज आम्दानी पनि ७३.९१ प्रतिशतले बढेको छ । अघिल्लो वर्ष १६ करोड ७६ लाख १९ हजार रुपैयाँ खुद ब्याज आम्दानी गरेको कम्पनीले गत वर्ष भने २९ करोड १५ लाख ६ हजार रुपैयाँ आम्दानी गरेको छ ।
कम्पनीको चुक्तपुँजी २७ करोड ७५ लाख ६३ हजार रुपैयाँ रहेको छ । कम्पनीले जगेडा तथा कोषमा १५ करोड ३ लाख ५५ हजार रुपैयाँ राखेको छ । कम्पनीले जगेडा तथा कोष अघिल्लो वर्षको तुलनामा ४ करोड ८२ लाख ६० हजार रुपैयाँले बढाएको हो ।
कम्पनीको खराब कर्जा भने वृद्धि भएको छ । अघिल्लो वर्ष २.९८ प्रतिशतले रहेको खराब कर्जा गत वर्ष बढेर ६.२० प्रतिशत पुगेको छ । कम्पनीको वार्षिक प्रतिसेयर आम्दानी १९ रुपैयाँ ८९ पैसा र प्रतिसेयर नेटवर्थ १५४ रुपैयाँ १७ पैसा रहेको छ ।
वि.सं.२०७८ साउन २६ मंगलवार १३:०० मा प्रकाशित
