काठमाडौं । साताको पहिलो कारोबार दिन सुनको मूल्य उकालो लागेको छ । आइतबार नेपाली बजारमा छापावाला सुनको मूल्य प्रतितोला १ हजार रुपैयाँले वृद्धि भएको हो ।
अघिल्लो दिन अर्थात शुक्रबार ८९ हजार ७ सय रुपैयाँमा कारोबार भएको सुनको मूल्य आज बढेर ९० हजार ७ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
शुक्रवार ८९ हजार २५० रुपैयाँमा कारोबार भएको तेजावी सुनको भूल्य आजका लागि ९० हजार २ सय रुपैयाँ निर्धारण गरिएको छ ।
यस्तै, उक्त दिन चाँदीको मूल्य पनि वृद्धि भएको छ । आज चाँदीको मूल्य तोलामा २० रुपैयाँले वृद्धि भई १२ सय ५ रुपैयाँ पुगेको छ । अघिल्लो दिन ११ सय ८५ रुपैयाँमा कारोबार भएको थियो ।
वि.सं.२०७८ साउन ३१ आइतवार ११:०२ मा प्रकाशित
