काठमाडौं । आज मानुषी लघुवित्त वित्तीय संस्थाको आईपीओमा आवेदन दिने अन्तिम दिन रहेको छ । साउन २७ गतेदेखि बिक्री खुला भएको कम्पनीको आईपीओमा आज बैंकिङ् समयसम्म आवेदन दिन पाईने भएको हो ।
कम्पनीले प्रतिकित्ता एक सय रुपैयाँको दरले ३ करोड ९५ लाख ७५ हजार रुपैयाँको ३ लाख ९३ हजार ७५० कित्ता सेयर निष्काशन गरेको हो ।
जसमा ५ हजार ४६९ कित्ता कर्मचारी र १९ हजार ६८८ कित्ता सामूहिक लगानी कोषका लागि छुट्याएर बाँकी रहेको ३ लाख ६८ हजार ५९३ कित्ता सर्वसाधारणका लागि निष्काशन भएको छ ।
आइपीओमा न्युनतम १० कित्ता र अधिकतम एक हजार कित्ताका लागि आवेदन दिन सकिने कम्पनीले जनाएको छ । बिक्री प्रबन्धकमा भने नेपाल एसबिई मर्चेण्ट बैंकिङ लिमिटेड रहेको छ ।
वि.सं.२०७८ साउन ३१ आइतवार १०:५२ मा प्रकाशित
