काठमाडौं । सोमबार सेयर बजारमा सामान्य वृद्धि भएको छ । साताको दोस्रो कारोबार दिन बजार ५.७२ अंकले वृद्धि भएको हो ।
उक्त दिन बजार परिसुचक ३१६०.०५ अंको बिन्दुमा पुगेर बन्द भएको छ । आज १५ अर्ब ९३ करोड ८लाख ९७ हजार रुपैयाँ बराबरको कारोबार भएको छ ।
उक्त दिन विभिन्न ५ कम्पनीको सेयर मूल्यमा सकरात्मक सर्किट लागेको छ । सकरात्मक सर्किट लाग्नेमा अधिकांश जलविद्युत कम्पनी रहेका छन् ।
आज नेशनल हाइड्रोपावर, कर्पोरेट डेभलपमेन्ट बैंक, रिदी हाइड्रोपावर, खानी खोला हाइड्रोपावर र जीवन विकास लघुवित्तको सेयर मूल्य १० प्रतिशतले वृद्धि भएको छ ।
यी कम्पनीसहित आज रुरु जलविद्युत परियोजनाको ९.४४ प्रतिशत, हिमालय उर्जा विकास कम्पनीको ९.१७ प्रतिशत सेयर मूल्य बढेको छ ।
वि.सं.२०७८ साउन ३२ सोमवार १५:२० मा प्रकाशित
