बिक्रम सुनार,
काठमाडौं । सञ्चालनमा रहेका २७ वटा वाणिज्य बैंकको नाफामा उल्लेख्य सुधार भएको छ । कोरोना महामारीको समयमा पनि वाणिज्य बैंकको नाफा १९.९७ प्रतिशतले बढेको छ ।
अघिल्लो आर्थिक वर्षको चौथो त्रैमासमा ५२ अर्ब ८२ करोड ६ लाख ७ हजार रुपैयाँ रहेको थियो । गत आवको चौथो त्रैमासमा आइपुग्दा १९.९७ प्रतिशतले बढेर ६३ अर्ब ३७ करोड ३८ लाख ३६ हजार रुपैयाँ रहेको छ । कोरोनाको समयमा पनि वाणिज्य बैंकको नाफामा पनि सुधार अपेक्षित रुपमा सुधार देखिएको छ ।
यो अवधिमा नाफा आर्जनमा अग्रस्थानमा नबिल बैंक रहेको छ । नाफा आर्जनमा नबिल पहिलो बैंक बनेको छ । बैंकको नाफा सबैभन्दा बढी ४ अर्ब ५० करोड ४४ लाख ३७ हजार रुपैयाँ पुगेको छ । अघिल्लो आवको सोही अवधिमा बैंकको नाफा ३ अर्ब ४६ करोड ३२ लाख ४१ हजार रुपैयाँ रहेको थियो । नबिल बैंकपछि धेरै नाफा आर्जन गर्नेमा ग्लोबल आईएमई बैंक रहेको छ । बैंकको नाफा ४१.८६ प्रतिशतले बढेर ४ अर्ब १२ करोड ६५ लाख १२ हजार रुपैयाँ पुगेको छ ।
२ वटा बैंकको नाफा ४ अर्ब बढी रहेको छ । यस्तै ६ वटा बैंकको नाफा ३ अर्ब बढी रहेको तथ्याङकले देखाएको छ । त्यसमा पनि राष्ट्रिय वाणिज्य बैंकको नाफा ३ अर्ब ७९ करोड ५४ लाख ७७६ हजार रुपैयाँ रहेको छ । बैंकको नाफा अघिल्लो आवको सोही अवधिको तुलनामा घटेको छ । अघिल्लो आवको सोही अवधिमा बैंकको नाफा ४ अर्ब ३९ करोड ७३ लाख १६ हजार रुपैयाँ रहेको थियो । यो अवधिमा बैंकको नाफा १३.६८ प्रतिशतले घटेको छ । गत आवमा नाफा घटने अर्को बैंकमा एभरेष्ट, नेपाल एसबीआई र सेञ्चुरी बैंक पनि रहेको छ । बैंकको नाफा २७.३४ प्रतिशतले घटेर १ अर्ब ८२ करोड ८२ लाख ७७ हजार रुपैयाँ रहेको छ ।
३ अर्ब बढी नाफा कमाउने बैंकमा वाणिज्यका साथै कृषि विकास बैंक, नेपाल इन्भेष्टमेन्ट बैंक, प्राइम, एनआईसी एसिया बैंक र नेपाल बैंक रहेका छन् । यस्तै ८ वटा बैंकको नाफा २ अर्र्ब बढी रहेको छ । त्यसमा पनि हिमालयन बैंकको नाफा २ अर्ब ९९ करोड ८० लाख रुपैयाँ रहेको छ । बैंकको नाफा १५.८९ प्रतिशतले बढेको छ ।
यस्तै ८ वटा बैंकको नाफा १ अर्ब बढी रहेको छ । जसमा एभरेष्ट बैंक, माछापुच्छे«, सिटिजन्स, लक्ष्मी, बैंक अफ काठमाण्डू, सनराइज, स्टयान्डर्ड चार्टर्ड र एनसीसी बैंक रहेका छन् । बाँकी २ वटा सेञ्चुरी र सिभिल बैंकको नाफ अर्ब भन्दा कम रहेको छ । प्रतिशतको आधारमा हेर्दा सबैभन्दा बढी नेपाल बंगलादेश बैंकको रहेको छ । बैंकको नाफा ८४.१६ प्रतिशतले बढेको छ ।
वि.सं.२०७८ साउन ३२ सोमवार १६:२२ मा प्रकाशित
