काठमाडौं । साताको चौथो कारोबार दिन विभिन्न ४ कम्पनीको सेयर मूल्यमा सकरात्मक सर्किट लागेको छ ।
बुधवार अरुण भ्याली हाइड्रोपावर डेभलपमेन्ट, अरुण काबेली पावर, शिवम सिमेन्ट र जीवन विकास लघुवित्त वित्तीय संस्थाको सेयर मूल्य १० प्रतिशतले वृद्धि भएको हो ।
उक्त दिन अरुण भ्यालीको प्रतिकित्ता ६२ रुपैयाँ ८० पैसाले वृद्धि भई ६९० रुपैयाँ ८० पैसा, अरुण काबेलीको प्रतिकित्ता ७२ रुपैयाँ ९० पैसाले वृद्धि भई ८०२ रुपैयाँ २० पैसा पुगेको छ ।
यस्तै, शिवम सिमेन्टको प्रतिकित्ता १६३ रुपैयाँले वृद्धि भई १ हजार ७९३ रुपैयाँ र जीवन विकास लघुवित्तको प्रतिकित्ता ३२२ रुपैयाँ ८० पैसाले बढेर ३ हजार ५५१ रुपैयाँ पुगेको छ ।
वि.सं.२०७८ भदौ २ बुधवार १५:०१ मा प्रकाशित