काठमाडौं । राष्ट्रिय वाणिज्य बैंकको ऋण लगानी जोखिम देखिएको छ । शुक्रबार महालेखापरीक्षकको कार्यालयले सार्वजनिक गरेको ५८औं वार्षिक प्रतिवेदनले यस्तो देखाएको हो ।
राष्ट्रिय वाणिज्य बैंकले अन्य बैंक तथा वित्तीय संस्थाहरुलाई ४ अर्ब ४५ करोड ६७ लाख र सर्वसाधरणलाई १ खर्ब ५० अर्ब ७९ करोड ७८ लाख रुपैयाँ ऋण दिएको छ ।
बैंकले कर्जाको तुलनामा धितोको मूल्य कम भएको, सहकारीसंग सम्वन्धित विवाद रहेको, विवाद अदालतमा विचारधिन रहेको, ऋण असुली न्याधिकरणबाट भएको निर्णय कार्यन्वयन नभएको प्रतिवेदनमा उल्लेख छ ।
प्रतिवेदनका अनुसार यस्ता विवादित र कमसल धितो राखी विभिन्न १७ संस्थालाई २ अर्ब ४४ करोड ६६ लाख रुपैयाँ ऋण प्रवाह गरेकोमा त्यसको ब्याज ४४ अर्ब ३ करोड १९ लाख पुगेको छ ।
बैंकले अब उक्त ऋण प्रवाह गर्ने पदाधिकारीलाई जिम्मेवार बनाई समयमै असुली गर्नुपर्ने देखिएको छ ।
वि.सं.२०७८ भदौ ४ शुक्रवार १७:२२ मा प्रकाशित
