काठमाडौं । कारोबारमा आएको १६ दिनमा जीवन विकास लुघवित्त वित्तीय संस्थाको सेयर मूल्यमा उछाल आएको छ ।साउन १४ गतेदेखि कारोबारमा आएको कम्पनीको सेयर मूल्य अहिले प्रतिकित्ता ३ हजार ९०६ रुपैयाँ १० पैसा पुगेको छ ।
कम्पनीको सेयर नेपाल स्टक एक्सचेञ्ज(नेप्से)मा साउन १३ गते सूचीकृत भएको थियो । नेप्से पहिलो कारोबारका लागि ३०५ रुपैयाँ २७ पैसादेखि ९१५ रुपैयाँ ८१ पैसासम्म मूल्य रेञ्ज तोकेकोमा कारोबार भने ९१४ रुपैयाँमा खुला भएको थियो ।
पहिलो दिन १ सय कित्ता सेयर खरिदबिक्री भएको कम्पनीको हालसम्म कम्पनीको ४ हजार १९७ कित्ता सेयर खरिदबिक्री भएको नेप्सेले जनाएको छ ।
कम्पनीको सयर खरीद चाप उच्च रहेको हुँदा मूल्यमा सकारात्मक असर परेको हो । यस कम्पनीका सेयर लगानीकर्ता छोटो समयमै धेरै कमाउन सफल भएका छन् ।
वि.सं.२०७८ भदौ ६ आइतवार १२:५८ मा प्रकाशित
