काठमाडौं । जोशी हाइड्रोपावर डेभलपमेन्ट कम्पनीले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
गत आवमा कम्पनी ३५ लाख ७१ हजार रुपैयाँ नोक्सानीमा रहेको छ । अघिल्लो आवको चौथो त्रैमासको सोही अवधिको तुलनामा कम्पनलिे ८०.६५ प्रतिशतले नोक्सानी घटाएको हो । अघिल्लो आवमा कम्पनी १ करोड ८४ लाख ५६ हजार रुपैयाँ नोक्सानीमा रहेको थियो ।
गत आवमा नोक्सानी घटाएको कम्पनी विद्युत बिक्रीबाट ३ करोड ६३ लाख ४४ हजार रुपैयाँ आम्दानी गरेको छ । जुन आम्दानी अघिल्लो आवको तुलनामा १२१.१९ प्रतिशतले बढी हो । अघिल्लो आवमा कम्पनीले विद्युत बिक्रीबाट १ करोड ६४ लाख ३१ हजार रुपैयाँ आम्दानी गरेको थियो ।
कम्पनीको चुक्तापुँजी ३७ करोड १४ लाख रुपैयाँ रहेको छ । कम्पनीको प्रतिसेयर आम्दानी पनि ०.९६ ऋणात्मक देखिएको छ । कम्पनीको प्रतिसेयर नेटवर्थ ८४ रुपैयाँ ५७ पैसा रहेको छ ।
वि.सं.२०७८ भदौ १३ आइतवार ११:२६ मा प्रकाशित
