काठमाडौं । सेयर बजारमा सामान्य सुधार देखिएको छ । बजारमा सामान्य सुधार भएपनि कारोबार रकम क्रमैसँग घटिरहेको छ । पछिल्लो केही दिन यता बजारमा कारोबार रकम घट्दै गएको छ ।
निकै उतार चढावकाबीच बजार सामान्य वृद्धि भएको छ । बजार मापन गर्ने सूचक १.१८ अंकले बढेर परिसूचक २९७७.०२ बिन्दुमा रोकिएको छ । २२६ कम्पनीको १ करोड ७१ लाख ८२ हजार ८७१ कित्ता सेयर ९ अर्ब ३५ करोड १७ लाख ९९ हजार ६५४ रुपैयाँको सेयर कारोबार भएको छ ।
कारोबारमा अधिकांश समूहको उपसूचक गिरावट देखिएको छ । तथापी बैंकिङ समूहको ७.८९, होटल एण्ड टुरिजम, जीवन बीमा समूहको उपसूचकमा हरियाली आउँदा विकास बैंक ४०.१४, जलविद्युत १९.९६, वित्त कम्पनी ८७.८२, निर्जीवन बीमा समूहको उपसूचक ६३.५९ अंकले घटेको छ ।
कारोबारमा रु रु जलविद्युत परियोजना ७.५५, ओरियन्टल होटल ६.१४, यूनाइटेड मोदी हाईड्रोपावर ६.०४, हिमालयन उर्जा विकास कम्पनीको ६.०२ अंकले बढेको छ ।
यस्तै सनराइज फस्र्ट म्यूचुअल फण्डको सेयर मूल्यमा नकारात्मक सर्किट लागेको छ ।
यता खानिखोला हाईड्रोपावरको ७.७७, गुहेश्वरी मर्चेन्ट बैंक एण्ड फाइनान्सको ६.२७ , कर्पोरेट डेभलपमेन्ट बैंकको ५.७५, आईसीएफसी फाइनान्सको सेयर ५.२८ प्रतिशतले घट्को छ ।
वि.सं.२०७८ भदौ १६ बुधवार १५:२५ मा प्रकाशित