काठमाडौं । नेपाल धितोपत्र बोर्डका अध्यक्ष भिष्मराज ढुंगानालाई सरकारले निलम्बित गरेको छ ।
सर्वोत्तम सिमेन्टको सेयर छोरी तथा एकाघरका परिवारका सदस्यको नाममा किनेपछि विवादमा तानिएका ढुंगानालाई सरकारले छानबिन गर्न निलम्बित गरेको हो ।
बुधबार बसेको मन्त्रिपरिषदकाे बैठकले छानविन गर्न तीन सदस्यीय छानविन समिति गठन गरेको छ । उच्च अदालतका पूर्वन्यायाधीश अनन्तराज डुम्रेको संयोजकत्वमा गठित छानविन समितिकाे विज्ञ सदस्यमा नारायणप्रसाद पौडेल र नेपाल कानून आयोगका सहसचिव अर्जुनककुमार खड्का सदस्य रहनुभएकाे छ ।
समितिले छानविन गरी प्रतिवेदन पेश गर्नेछ । त्यसको आधारमा सरकारले बाँकी काम अघि बढाउने भएको छ ।
वि.सं.२०७८ भदौ १७ बिहीवार ०६:०१ मा प्रकाशित