काठमाडौं । अर्थमन्त्री जनार्दन शर्माले नेपालमा लगानी गर्न आउने विदेशी लगानीकर्तालाई कुनै पनि समस्या भोग्न नपर्ने व्यवस्था गर्ने प्रतिबद्धता जनाउनु भएको छ ।
लगानी बोर्डको १० औं बार्षिकोत्सव कार्यक्रममा यस्तो बताउनु भएको हो । मन्त्री शर्माले नेपालमा लगानीको वातावरण बनिरहेको र लगानीकर्ताले उठाएको समस्या समाधान गर्न सरकारको ध्यान जाने तथा सोही अनुसारको ऐन नियम बनाउने प्रतिबद्धता जनाउनुभयो ।
नेपालमा लगानी गर्न लगानीकर्ताको आकर्षण निकै बढेको भन्दै उहाँले लगानी भित्र्याउने ढोका बोर्ड भएको भन्दै यहीबाट लगानीको विश्वास दिलाउन सक्नुपर्ने बताउनुभयो । मन्त्री शर्माले जनताको अपेक्षा अनुसार लगानीको तामेल मिलाउन धेरै काम गर्न आवश्यक रहेको भन्दै यसमा आफ्नो ध्यान आकर्षण भएको स्मरण गराउनुभयो ।
लगानीकर्ताले पैसाको मात्रै नभएर समयको लगानीलाई पनि ध्यान दिने भन्दै यसतर्फ पनि ध्यान दिन आवश्यक रहेको उहाँको भनाई छ । यसअघि ‘थ्रिपी’ अनुसार काम हुने गरेको भएपनि अब स्थानीय जनतालाई जोडेर लैजान आवश्यक रहेको भन्दै ‘फोर पी’ अनुसार काम गर्न आवश्यक रहेको बताउनुभयो ।
देशलाई समृद्ध बनाउन छोटो समयमा नै काम गर्नुपर्ने बताउनुभयो । यसको लागि लगानी भित्र्याउन आवश्यक रहेको उहाँको भनाई छ । देशलाई चाडो विकास गर्न विदेशी लगानी भित्र्याउने र नेपाली उद्योगीलाई उत्साहित गरिरहेको स्मरण गराउनुभयो । लगानीकर्तालाई झन्झटिलो बनाउँदा लगात बढने भएको भन्दै यसलाई सहज बनाउन आग्रह गर्नुभयो ।
वि.सं.२०७८ भदौ २३ बुधवार ११:५४ मा प्रकाशित
