काठमाडौं । साताको पहिलो कारोबार दिन सुनको मूल्यमा गिरावट आएको छ । आइतबार नेपाली बजारमा छापावाला सुनको मूल्य प्रतितोला ४ सय रुपैयाँले घटेको हो ।
अघिल्लो दिन अर्थात शुक्रवार ९० हजार ७ सय रुपैयाँमा कारोबार भएको सुनको मूल्य आज घटेर ९० हजार ३ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार अघिल्लो दिन ९० हजार २ सय रुपैयाँमा कारोबारको आज तेजावी सुनको मूल्य भने ८९ हजार ८ सय रुपैयाँ निर्धारण भएको छ ।
यस्तै, आज चाँदीको मूल्य पनि गिरावट आएको छ । उक्त दिन प्रतितोला २० रुपैयाँले घटेको चाँदीको मूल्य १ हजार १९५ रुपैयाँ कायम भएको छ । अघिल्लो दिन १ हजार २१५ रुपैयाँमा खरिदबिक्री भएको महासंघले जनाएको छ ।
वि.सं.२०७८ भदौ २७ आइतवार ०५:१८ मा प्रकाशित