काठमाडौं । यो सरकारले नेपाली जनतामा ऋणको भार केही हदसम्म घटाउने लक्ष्य लिएको छ । अर्थमन्त्री जनार्दन शर्माले अर्थसम्बन्धी अध्यादेशलाई प्रतिस्थापन गर्ने विद्येयक प्रस्तुत गर्दै ३७ अर्ब वैदेशिक ऋणको अंश घटाउने बनाउनु भएको छ ।
विनियोजन अध्यादेश २०७८ मा प्रस्ताव गरिएको आन्तरिक ऋण तथा वैदेशिक ऋणको अंश करिब ३७ अर्ब घटाएको जानकारी गराउँदै यसले नेपाली जनतामा रहेको ऋणभार सानो अंशमा भएपनि कम हुने उहाँको भनाई छ ।
अनुत्पादक क्षेत्रमा सार्वजनिक ऋणको उपयोगले भविष्यमा साँवा तथा ब्याज भुक्तानीका लागि राजस्वको ठूलो हिस्सा छुट्याउनु पर्ने, भावी पुस्तालाई ऋणको भार थपिन जाने, निजी क्षेत्रमा प्रवाह हुने वित्तीय स्रोत संकुचित हुने जोखिम रहने हुँदा सार्वजनिक ऋणलाई राष्ट्रिय आवश्यकता, पुँजी निर्माण, उच्च प्रतिफलयुक्त र उत्पादनशील क्षेत्रमा मात्रै उपभोग गर्ने नीति लिएको उल्लेख छ ।
वि.सं.२०७८ भदौ २५ शुक्रवार १७:३३ मा प्रकाशित