काठमाडौं । महिन्द्रा कम्पनीद्वारा उत्पादित विभिन्न मोडेलका सवारी नेपाली बजारमा बिक्री हुँदै आएको छ । कम्पनीले नेपाली बजारमा करिब ३० वर्ष अघिदेखि बिक्री वितरण गर्दै आएको छ ।
नेपालमा महिन्द्राका छुट्टाछुट्छै मूल्य पर्ने विभिन्न ७ मोडेलका कारहरु उपलब्ध छन् । जसको मूल्य न्युनतम ३९ लाखदेखि ८८ लाख रुपैयाँसम्म रहेको छ ।
नेपालको लागि महिन्द्रा गाडीको आधिकारिक बिक्रेता अग्नि इन्कर्पोरेटेड प्रा.लि रहेको छ । अग्नि इन्कर्पोरेटेडको देशभर ४५ डीलर तथा शाखाहरु रहेका छन् ।
अग्नि इन्कर्पोरेटेड कम्पनी केबल सवारी बिक्री गर्न तर्फ मात्र केन्द्रित नभई ग्राहकमुखी सेवा चुस्त सर्भिस तथा स्पेयर पार्टहरुको सर्व सुलभतातर्फ विशेष ध्यान दिने गरेको बताएको छ ।
कम्पनीले सर्वसुलभ तरिकाले ग्राहकहरुलाई स्पेयरपार्टहरु उपलब्ध गराउँदै आएको र स्पेयरपार्टमा कुनै समस्या नभएको र यसको कारण सेवाग्राहीले समस्या भोग्न नपरेको कम्पनीको दाबी छ ।
महेन्द्राको कार, पिकअप र एसयूभीका विभिन्न मोडेलहरु नेपालमा उपलब्ध गराउँदै आएको छ । कम्पनीले सबै वर्गका मानिसका लागि उपयुक्त हुने खालका वहान उत्पादन गर्दै आएको छ ।
पछिल्लो समय महिन्द्राको विद्युतीय कार नेपालीको रोजाईमा निकै परेको छ । आज हामीले महिन्द्रा कम्पनीको कार, बोलेरो पिकअप तथा स्कार्पिओको नेपाली बजारमा पर्ने मूल्यका बारेमा जानकारी दिएका छौ ।
महिन्द्रा कार:
महिन्द्राले नेपाली बजारमा विभिन्न ७ मोटेडका कारहरु उपलब्ध गराउँदै आएको छ । जसमध्ये महिन्द्रा बोलेरो कार एक्सेल एनएसी २ डब्लुडी डीसी, (९एसटीआर) ३९ लाख २० हजार रुपैयाँ, महिन्द्रा थारको ४३ लाख १५ हजार रुपैयाँ मूल्य पर्दछ ।
यस्तै, महिन्द्रा टीयूभी ३०० को ३९ लाख ९५ हजार, महिन्द्रा स्कार्पियो ४९ लाख ९५ हजार रुपैयाँ, महिन्द्रा एक्सयूभी ५०० र ३०० को क्रमंशः ६३ लाख ५५ हजार र ४० लाख ६५ हजार रुपैयाँ, महिन्द्रा माराज्जो ५८ लाख २० हजार रुपैयाँ मूल्य निर्धारण गरेको छ ।
महिन्द्रा बोलेरो पिकअप:
महिन्द्रा गाडीले बोलेरो पिकअप अन्तर्गत विभिन्न ६ मोडलहरुको छुटाछुट्टै मूल्य निर्धारण गरेको छ । जसमध्ये महिन्द्रा बोलेरो पिकअप म्याक्सी ट्रक ल्पस २ डब्ल्यूडी सिंगल क्याब (२५२३ सीसी) को १८ लाख ७५ हजार रुपैयाँ मूल्य तोकेको छ ।
यस्तै, बोलोरो पिकअप क्याम्पर एससी एक्सेल एबि २डब्ल्यू सिंगल क्याबको २१ लाख ९५ हजार, महिन्द्रा बोलेरो पिकअप २ डब्ल्यूडी पि/एस १.५ टी ठुलोमा सिंगल क्याबको २४ लाख ३० हजार, क्याम्पर एससी–४ डब्ल्यूडी सिंगल क्याब २३ लाख ३५ हजार, क्याप्र डीसी २डब्ल्यूडी पि/एस डबल क्याबको २६ लाख १५ हजार र क्याम्पर डीसी ४ डब्ल्यूडी पि÷एस डबल क्याबको २८ लाख ४० हजार रुपैयाँ तोकेको छ ।
महिन्द्रा स्कार्पियो पिकअप
महिन्द्रा गाडीको ४ मोडेलमा स्कार्पिओ पिकअप उपलब्ध रहेको छन् । स्कार्पिओ पिकअप डबल क्याब र २.२ लिटरका रहेका छन् ।
स्कार्पिओ पिकअपमा एस४ र एस ६ २डब्ल्यूडी डीसीको मूल्य क्रमशः ३६ लाख ९५ हजार र ३८ लाख ९५ हजार रुपैयाँ रहेको छ । यस्तै, एस–६ ४डब्ल्यूडी डीसीको ४२ लाख ५० हजार र एस–१० ४डब्ल्यूडी डीसीको ४६ लाख २० हजार रुपैयाँ निर्धारण गरेको छ ।
वि.सं.२०७८ भदौ २७ आइतवार १७:३१ मा प्रकाशित
