काठमाडौ । अर्थमन्त्री जनार्दन शर्माले ४३ लाख लगानिकर्ताको हित हुनेगरी काम गर्नु आफ्नो दायित्व भएको बताउनु भएको छ ।
अर्थमन्त्रालयमा आयोजीत कार्यक्रममा उहाँले सबै लगानिकर्ताको हित हुने गरी काम गर्नु सरकारको दायित्व हुने बताउनुभयो । सेयर बजारको विषयमा अर्थ मन्त्रीले गभर्नरलाई फोन गरेको सन्दर्भमा मन्त्री शर्माले राष्ट्र बैंक आफ्नो सल्लाहकार भएकोले फोनमा कुरा गरेको बताउनु भयो ।
उहाँले भन्नुभयो ‘उहाँ त मेरो सल्लाहर हो, मैले मेरो सल्लाहकारसँग फोनमा कुरा गर्न नपाउने भन्ने हुन्छ र ? मैले बजार बढाउनु, घटाउनु भनेको होला त ? मैले फोन त दैनिक रुपमा गर्छु होला तर मैले दैनिक रुपमा पुँजी बजारको विषयमा मात्रै कुरा गरौला र ?’
उहाँले बजारमा देखीएको समस्या समाधान गर्न उच्च अदालतको न्यायाधिको संयोजकत्वमा अध्ययन समिति गठन भएको र केही समयमा नै त्यसको प्रतिवेदन आउने जानकारी गराउँदै प्रतिवेदनको आधारमा थप कदम चाल्ने बताउनुभयो ।
वि.सं.२०७८ भदौ २७ आइतवार १८:४२ मा प्रकाशित