मोरङ । नेपाल उद्योग वाणिज्य महासङ्घका वरिष्ठ उपाध्यक्ष चन्द्रप्रसाद ढकालले कोरोना महामारीका उद्योगी व्यवसायी बैंकको व्याजदेखि घरभाडासम्मको समस्यामा परेको बताउनु भएको छ ।
उर्लावारी उद्योग वाणिज्य सङ्घको ३३ औँ वार्षिक साधारणसभाको उद्घाटन गर्दै वरिष्ठ उपाध्यक्ष ढकालले यस्तो बताउनु भएको हो ।
कार्यक्रममा आम व्यवसायीका समस्यालाई समाधान गर्ने हाम्रो पहल बताउनुभयो । यसका लागि सरकारलाई बारम्वार घच्घच्याइरहेको बताउनुभयो । मुलुकको उद्योग व्यवसायका क्षेत्रमा देखा परेका समस्या हल गर्न देशका समग्र व्यवसायीहरुको छाता संस्थाको हैसियतले महासङ्घले पहल गरिरहेको बताउनुभएको छ ।
कोभिडका कारण देशभरका समग्र व्यवसायी मारमा परेको बताउँदै व्यवसायीका समस्याको समाधान गरी व्यवसायीको उत्थानका लागि महासङ्घले सरकारसँग राहतका कार्यक्रमका लागि पहल भइरहेको बताउनुभयो ।
कोभिडको महामारीका कारण सबैक्षेत्र प्रभावित भएपनि अर्थतन्त्रको ठूलो हिस्सा धान्दै आएका देशका निजी क्षेत्रका व्यवसायी अहिले नराम्ररी प्रभावित बनेका उहाँले बताउनुभयो । ढकालले भन्नुभयो ‘देशको व्यवसाय कोरोना महामारीका कारण निकै नै प्रभावित छ ।
बैंकको व्याजदेखि घरभाडासम्मका कुरा आउँछन् । आम व्यवसायीका समस्यालाई समाधान गर्ने हाम्रो पहल हुनेछ । यसका लागि सरकारलाई हामीले बारम्वार घच्घच्याइरहेका छौँ ।’
वि.सं.२०७८ भदौ ३१ बिहीवार १०:५५ मा प्रकाशित