काठमाडौं । वाणिज्य बैंकका निक्षेप संकलन तथा कर्जाको माग निकै बढेको छ ।
अघिल्ला साताहरुमा बैंकमा कर्जाको माग बढने र निक्षेप संकलन कम हुने समस्या देखिएको थियो । गत साता भयो यो समस्या न्यून हुँदै गएको र बैंकको निक्षेप संकलन पनि बढेको देखिएको छ ।
बैंकर्स संघका अनुसार भदौ ३१ गतेसम्ममा ४१ खर्ब ७१ अर्ब निक्षेप संकलन भएको छ । एक साताको अवधिमा बैंकमा निक्षेप संकलन २६ अर्ब रुपैयाँले बढेको छ । भदौ २५ सम्म बैंकमा निक्षेप १६ अर्ब रुपैयाँले बढेर ४१ खर्ब ४५ अर्ब रुपैयाँ पुगेको थियो ।
यस्तै कर्जाको माग पनि एक साताको अवधिमा २८ अर्ब रुपैयाँले बढेको छ । भदौ ३१ गतेसम्म बैंकमा कर्जाको माग ३८ खर्ब ७२ अर्ब रुपैयाँ रहेको छ । भदौ २५ सम्म ३८ खर्ब ४४ अर्ब रुपैयाँ रहेको थियो ।
कोरोना महामारीका कारण सरकारले जारी गरेको निषेधाज्ञा खुकुलो खुकुलो भएसँगै बैंकमा कर्जाको माग निकै बढेको छ । तर अहिले भने निक्षेप पनि बढ्न थालेको देखिएको छ । असोज १ देखी बैंकहरुले सार्वजनिक गरेको नयाँ ब्याजदरको कारण बैंकमा निक्षेप संकलन झनै बढ्दै जाने जानकारहरुको भनाई छ ।
वि.सं.२०७८ असोज ५ मंगलवार १७:३८ मा प्रकाशित
