काठमाडौं । रुरु जलविद्युत परियोजनाको लाभांश सुरक्षित गर्ने आज अन्तिम दिन रहेको छ ।
परियोजनाले साधारणसभा तथा लाभांश वितरण प्रयोजनका लागि असोज ७ गते बुक क्लोज गर्ने भएको हो ।
त्यसकारण परियोजनाको दुई आर्थिक वर्षको लाभांश सुरक्षित गर्ने आज अन्तिम मौका रहेको छ । परियोजनाले असोज १६ गते दुई आर्थिक वर्षको वार्षिक साधारणसभा गर्न लागेको हो ।
सभाले आर्थिक वर्ष २०७६/७७ र २०७७/७८ को लाभांश पारित गर्नेछ । परियोजना आव २०७६/७७ अवधिको मुनाफा(लाभांश आम्दानीको हिस्सा) बाट चुक्तापुँजीको १०.५२६३ प्रतिशत नगद लाभांश वितरण गर्ने प्रस्ताव पारित गर्नेछ ।
आव २०७७/७८ को मुनाफाबाट चुक्तापुँजीको १० प्रतिशत बोनस सेयर जारी गर्ने प्रस्ताव पारित गर्नेछ । सार्थै उक्त बोनस सेयर कर प्रयोजनका लागि ०.५२६३ प्रतिशत नगद लाभांश वितरण गर्ने छ ।
वि.सं.२०७८ असोज ६ बुधवार ११:३३ मा प्रकाशित
