काठमाडौं । एनएलजी इन्स्योरेन्स कम्पनीले आर्थिक वर्ष २०७७/७८ को चौथो तैमासिक वित्तीय अवस्था सार्वजनिक गरेको छ ।
वित्तीय विवरणअनुसार कम्पनीले गत आवमा २५ करोड २२ लाख ७६ हजार रुपैयाँ नाफ आर्जन गरेको छ । जुन अघिल्लो आवको सोही अवधिको तुलनामा २५.४८ प्रतिशतले बढी हो ।
अघिल्लो आवमा कम्पनीले २० करोड १० लाख ४७ हजार रुपैयाँ नाफा कमाएको थियो ।
उक्त अवधिमा कम्पनीको कुल बीमा शुल्क आर्जन रकम भने २ अर्ब ८ करोड १९ लाख १८ हजार रुपैयाँ रहेको छ ।
कम्पनीले १ अर्ब ३४ करोड ४२ लाख ३७ हजार रुपैयाँ कुल दावी भुक्तानी गरेको छ । भुक्तानी हुन बाँकी दावी रकम भने १ अर्ब १५ करोड ७२ लाख ६४ हजार रुपैयाँ रहेको छ ।
कम्पनीको चुक्तापुँजी १ अर्ब ९ करोड ६३ लाख ७६ हजार रुपैयाँ रहेको छ । जगेडा तथा कोषमा ४६ करोड ६८ लाख २३ हजार, बीमा कोष १ अर्ब ५ करोड ३ लाख ४३ हजार र महाविपत्ती जगेडमा भने ४ करोड १२ लाख ५९ हजार रुपैयाँ रहेको छ ।
वि.सं.२०७८ असोज ६ बुधवार १३:१६ मा प्रकाशित