काठमाडौं । साताको अन्तिम कारोबार दिन सुनको मूल्यमा गिरावट आएको छ । उक्त दिन नेपाली बजारमा छापावाला सुनको मूल्य प्रतितोला ६ सय रुपैयाँले घटेको हो ।
अघिल्लो दिन ८९ हजार ६ सय रुपैयाँमा कारोबार भएको सुन आज भने घटेर ८९ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
शुक्रबार तेजावी सुनको मूल्य भने ८८ हजार ५५० रुपैयाँ तोकिएको छ । महासंघका अनुसार अघिल्लो दिन तेजावी सुनको मूल्य ८९ हजार १५० रुपैयाँमा कारोबार भएको थियो ।
यस्तै, उक्त दिन चाँदीको मूल्यमा भने सामान्य बढोत्तरी देखिको छ । आज प्रतितोला ५ रुपैयाँले वृद्धि भएको चाँदीको मूल्य १ हजार १६० रुपैयाँ कायम भएको छ ।
अघिल्लो कारोबार दिन १ हजार १५५ रुपैयाँमा खरिदबिक्री भएको महासंघले जनाएको छ ।
वि.सं.२०७८ असोज ८ शुक्रवार ११:०३ मा प्रकाशित