काठमाडौं । साताको अन्तिम कारोबार दिन तीन कम्पनीको सेयर मूल्यमा उछाल आएको छ । उक्त दिन तीन कम्पनीको सेयर मूल्यमा सकरात्मक सर्किट लागेको हो ।
बिहीबार नेपाल फाइनान्स, मनकामना स्र्माट लघुवित्त वित्तीय संस्था र मैलुङ खेला जलविद्युत कम्पनीको सेयर मूल्य १० प्रतिशतले वृद्धि भएको हो ।
नेपाल फाइनान्सको सेयर मूल्य १० प्रतिशत अर्थात प्रतिकित्ता ४८ रुपैयाँले वृद्धि भएको हो । योसंगै कम्पनीको सेयर मूल्य ५२८ रुपैयाँ पुगेकोे छ ।
यस्तै, मनकामना स्मार्ट लघुवित्तको सेयर मूल्य १० प्रतिशत अर्थात प्रतिकित्ता १९२ रुपैयाँ ७० पैसाले वृद्धि भएको छ । योसंगै कम्पनीको सेयर मूल्य २ हजार ११९ रुपैयाँ ७० पैसा पुगेको छ ।
मैलुङ खोला जलविद्युतको सेयर मूल्य प्रतिकित्ता २६ रुपैयाँ ९० पैसाले वृद्धि भएको हो । योसंगै कम्पनीको सेयर मूल्य २९५ रुपैयाँ ९० पुगेको छ ।
वि.सं.२०७८ असोज १४ बिहीवार १५:१६ मा प्रकाशित
