काठमाडौं । साताको अन्तिम कारोबार दिन सेयर बजारमा दोहोरो अंकको गिरावट आएको छ । आज बजार ३२.५१ अंकले घटेको हो ।
उक्त दिन बजार परिसुचक पनि १२३३.४२ अंकको बिन्दुमा पुगेर बन्द भएको छ । उक्त दिन कारोबार रकम पनि खुम्चिएको छ ।
अघिल्लो दिन ५ अर्ब बढी कारोबार भएको आज भने घटेर ३ अर्ब ७० करोड २९ हजार रुपैयाँ बराबरको सेयर कारोबार भएको छ ।
उक्त दिन दुई बैंकसहित तीन कम्पनीको सर्वाधिक कारोबार भएको छ । बिहीबार सबैभन्दा बढी नेपाल बैंकको १२ करोड ७७ हजार रुपैयाँ बराबरको सेयर कारोबार भएको छ । आज कम्पनीको २ लाख ४१ हजार ६७९ कित्ता सेयर कारोबार भएको हो ।
कारोबारकै आधारमा दोस्रो स्थानमा रहेको अपि पावरको १० करोड ८३ लाख ३२ हजार रुपैयाँ बराबरको सेयर खरिदबिक्री भएको हो । आज कम्पनीको २ लाख ३५ हजार ३५६ कित्ता सेयर किनबेच भएको छ ।
नेपाल स्टक एक्सचेञ्ज(नेप्से)का अनुसार मेगा बैंकको पनि सर्वाधिक कारोबार भएको छ । आज बैंकको १० करोड ९ लाख ५ हजार रुपैयाँ बराबरको सेयर खरिदबिक्री भएको हो ।
नेप्सेका अनुसार आज बैंकको ३ लाख ३ हजार ११६ कित्ता सेयर किनबेच भएको हो ।
वि.सं.२०७८ असोज १४ बिहीवार १५:२७ मा प्रकाशित