काठमाडौं । बुधबार दोहोरो अंकले बढेको बजार साताको अन्तिम दिन बिहीबार दोहोरो अंकले नै घटेको छ ।
लामो समयदेखी आएको दोहोरो अंकको गिरावट बिहीबार पनि निरन्तर देखिएको छ ।
यो दिन बजार मात्रै नभएर कारोबार रकम पनि घटेको छ । सूचक र कारोबार रकम घट्दै जाँदा बजार पनि सुस्त गतिमा देखिएको छ । यसले लगानीकर्तालाई समेत निरास बनाउन थालेको छ ।
बजार मापन गर्ने सूचक ३२.५१ अंकले घटेर परिसूचक २६३३.४२ बिन्दुमा रोकिएको छ । २२५ कम्पनीको ७३ लाख २१ हजार १४ कित्ता सेयर ३ अर्ब ७० करोड २९ हजार ५०७ रुपैयाँको सेयर कारोबार भएको छ ।
कारोबारमा बैंकिङ समूहको उपसूचक २०.६०, विकास बैंक १५५.७५, फाइनान्स ६८.९६, जलविद्युत ८२.५१, जीवन बीमा १०१.४२, माइक्रोफाइनान्स ३८.२२, निर्जीबन बीमा समूहको उपसूचक १०४.५७ अंकले घटेको छ ।
वि.सं.२०७८ असोज १४ बिहीवार १५:३० मा प्रकाशित
