काठमाडौं । दशैं तिहार नजिकिँदै गर्दा खसीबोकाको खरिद मूल्य तोकिएको छ । दाङमा चाडवाड लक्षित गरि खसीबोकको मूल्य निर्धारण गरिएको हो ।
मूल्य निर्धारण समितिले यस वर्ष विभिन्न तौलका खसीबोकाहरुको छुट्टाछुट्टै मूल्य निर्धारण गरेको जनाएको छ ।
समितिले यस वर्ष २५ किलोभन्दा बढीको ज्यूँदो खसीको मूल्य प्रतिकेजी ५६५ रुपैयाँ , २० केजीदेखि २४ केजीसम्मको खसीको मूल्य प्रतिकेजी ५५० रुपैयाँ तोकिएको छ ।
यस्तै, १८ केजी भन्दा बढी ज्यूदो बोकाको मूल्य प्रतिकेजी ५४५ रुपैयाँ निर्धारण भएको हो ।
समितिले गत वर्षको तुलनमा यस वर्ष खसीको मूल्य प्रतिकेजी १५ रुपैयाँ र बोकाको मूल्यमा ४५ रुपैयाँले वृद्धि गरेको हो ।
वि.सं.२०७८ असोज १५ शुक्रवार ०७:१५ मा प्रकाशित
