काठमाडौं । आज अर्थात शुक्रबार बुद्धभुमि नेपाल हाइड्रोपावरको आईपीओ बाँडफाँट हुने भएको छ ।
कम्पनीको आईपीओ प्रि–अलोटमेण्ट असोज २० गते नै सकिएकाले आज बाँडफाँट हुने बिक्री सिभिल क्यापिटलले जनाएको छ ।
कम्पनीको आईपीओ क्यापिटलको कार्यालयमा बिहान १०ः३० बजे बाँडफाँट गरिने भएको हो ।आवेदन दिने अन्तिम दिन बिहीबारसम्म २ अर्ब ६५ करोड ३१ लाख ४ हजार रुपैयाँको २ करोड ६५ लाख ३१ हजार ४० कित्ताको लागि २१ लाख ११ हजार ८१९ जनाले आवेदन दिएका छन् ।
कम्पनीले असोज ११ देखि प्रतिकित्ता एक सय रुपैयाँको दरले ८ करोड रुपैयाँको ८ लाख कित्ता आइपीओ निष्कासन गरेको थियो ।
जसमा १६ हजार कित्ता कर्मचारी ४० हजार कित्ता सामुहिक लगानी कोषको लागि छुट्याएको थियो । बाँकी ७ लाख ४४ हजार कित्ता सर्वसाधारणको लागि छुट्याईएको थियो ।
यसको बिक्री प्रबन्धक सिभिल क्यापिटल मार्केट रहेको छ । आइपीओमा न्यूनतम १० देखि अधिकतम ५० कित्तासम्म आवेदन दिन सकिने व्यवस्था गरिएको थियो ।
वि.सं.२०७८ असोज २२ शुक्रवार ०९:२९ मा प्रकाशित
