काठमाडौं । साताको पहिलो कारोबार दिन सुन मूल्यमा गिरावट आएको छ । उक्त दिन नेपाली बजारमा छापावाला सुनको मूल्य प्रतितोला ३ सय रुपैयाँले घटेको हो ।
अघिल्लो कारोबार दिन अर्थात शुक्रबार ९२ हजार रुपैयाँमा खरिदबिक्री भएको सुन आज घटेर ९१ हजार ७ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आज तेजावी सुनको मूल्य ९१ हजार २ सय रुपैयाँ निर्धारण भएको छ ।
यस्तै, आइतबार चाँदीको मूल्य घटेको छ । आज प्रतितोला ५ रुपैयाँले घटेर १ हजार २४० कायम भएको छ । शुक्रबार १ हजार २४५ रुपैयाँमा खरिदबिक्री भएको थियो ।
वि.सं.२०७८ कात्तिक १४ आइतवार ११:०९ मा प्रकाशित
