काठमाडौं । साताको दोस्रो कारोबार दिन सुनको मूल्य वृद्धि भएको छ । उक्त दिन नेपाली बजारमा छापावाला सुनको मूल्य प्रतितोला १ सय रुपैयाँले वृद्धि भएको हो ।
सोमबार नेपाली बजारमा छापावाला सुन प्रतिोला ९१ हजार ८ सय रुपैयाँमा खरिदबिक्री हुने नेपाल सुनचाँदी व्यवसायी महासंघले जनाएको छ । अघिल्लो दिन ९१ हजार ७ सय रुपैयाँमा कारोबार भएको थियो ।
महासंघले आजका लागि तेजावी सुनको मूल्य भने ९१ हजार ३ सय रुपैयाँ निर्धारण गरेको छ । अघिल्लो दिन तेजावी सुन ९१ हजार २ सय रुपैयाँ कारोबार भएको थियो ।
यस्तै, उक्त दिन चाँदीको मूल्य पनि वृद्धि भएको छ । आज प्रतितोला ५ रुपैयाँल वृद्धि भई १ हजार २४५ रुपैयाँ कायम भएको महासंघले जनाएको छ । अघिल्लो दिन १ हजार २४० रुपैयाँमा कारोबार भएको थियो ।
वि.सं.२०७८ कात्तिक १५ सोमवार ११:२० मा प्रकाशित
