काठमाडौं । आज मंगलबार तीन बैंकसहित ५ कम्पनीको साधारणसभा हुँदैछ ।
उक्त दिन कुमारी बैंक, सिटिजन्स बैंक इन्टरनेशनल, सांग्रिला डेभलपमेन्ट बैंक, साल्ट ट्रेडिङ कर्पोरेशन र शिवम् सिमेण्ट्सले साधारणसभा गर्न लागेका हुन् ।
कुमारी बैंकले बिहान भोलि ११ः३० बजे नक्सालस्थित कार्यालयमा साधारण सभा बोलाएको हो । सभाले ६ प्रतिशत बोनस सेयर र २.६७ प्रतिशत नगद लाभांश वितरण गर्ने प्रस्ताव पारित गर्नेछ ।
सिटीजन्स बैंकले प्रधान कार्यालय दरबारमार्गमा साँझ ४ बजे सभा डाकेको छ । उक्त सभाले १२.९१ प्रतिशत बोनस सेयर र ३.०८७ प्रतिशत नगद लाभांश करसहित वितरण गर्ने प्रस्ताव पारित गर्नेछ ।
यस्तै, सांग्रिला डेभलपमेण्ट बैंकले आज बिहान १० बजे लैनचौर ब्याक्वेटमा सभा गर्ने भएको हो । उक्त सभाले सभाले १० प्रतिशत बोनस सेयर र ०.५२ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ ।
त्यसैगरि आज बिहान ११ बजे केन्द्रीय कार्यालय कालिमाटीमा हुने साल्ट ट्रेडिङ कर्पोरेशनको सभाले २० प्रतिशत बोनस सेयर र ५ प्रतिशत नगद लाभांश वितरण गर्ने प्रस्ताव पारित गर्नेछ ।
मंगलबार होटेल सोल्टीमा सभा आयोजना गरेको शिवम् सिमेण्टले २९ प्रतिशत नगद लाभांश करसहित वितरण गर्ने प्रस्ताव पारित गर्नेछ ।
वि.सं.२०७८ कात्तिक १६ मंगलवार ०८:१६ मा प्रकाशित