काठमाडौं । लक्ष्मी लघुवित्त वित्तीय संस्थाले चालु आर्थिक वर्ष २०७८÷७९ को पहिलो त्रैमासिक वित्तीय विवरण सार्वजनिक गरेको छ ।
कम्पनीले सार्वजनिक गरेको विवरण अनुसार उक्त अवधिमा ४ करोड ६६ लाख ८८ हजार रुपैयाँ नाफा कमाएको छ ।
यो नाफा गत वर्षको असोज मसान्तसम्मको तुलनामा ६८.५३ प्रतिशतले बढी हो । गत वर्षको सोही अवधिमा कम्पनीले २ करोड ७७ लाख ३ हजार रुपैयाँ नाफा गरेको थियो ।
उक्त अवधिमा कम्पनीले १३ करोड ५५ लाख ९३ हजार रुपैयाँ खुद ब्याज आम्दानी गरेको छ । कम्पनीको खुद ब्याज आम्दानी गत वर्षको असोज मसान्तसम्मको तुलनामा २०.८२ प्रतिशतले बढी हो । कम्पनीले गत वर्षको सोही अवधिमा ११ करोड २२ लाख २७ हजार रुपैयाँ ब्याज आम्दानी गरेको थियो ।
कम्पनीको चुक्ता पुँजी ३२ करोड ४५ हजार रुपैयाँ रहेको छ । जगेडा तथा कोषमा भने ४१ करोड ४ लाख २ हजार रुपैयाँ राखेको छ ।
चालु आवको असोज मसान्तसम्म कम्पनीको खराब कर्जा वृद्धि भएको देखिएको छ । उक्त अवधिमा कम्पनीको खराब कर्जा ३.७९ प्रतिशत रहेको छ । जुन गत वर्षको सोही अवधिमा भने २.०२ प्रतिशत रहेको थियो ।
कम्पनीको प्रतिसेयर आम्दानी ५८ रुपैयाँ ३५ पैसा र प्रतिसेयर नेटवर्थ २२८ रुपैयाँ २३ पैसा रहेको छ ।
वि.सं.२०७८ कात्तिक १७ बुधवार १०:४५ मा प्रकाशित