काठमाडौं । कालिका लघुवित्त वित्तीय संस्थाले चालु आर्थिक वर्ष २०७८/७९ को पहिलो त्रैमासमा ४ करोड बढी नाफा कमाएको छ ।
कम्पनीले बुधवार सार्वजनिक गरेको वित्तीय विवरण अनुसार ४ करोड ८० लाख १७ हजार रुपैयाँ नाफा कमाएको छ । गत वर्षको असोज मसान्तसम्म कम्पनी ४१ लाख ८८ हजार रुपैयाँ नोक्सानीमा रहेको थियो ।
उक्त अवधिमा कम्पनीको खुद ब्याज आम्दानी ७ करोड ६३ लाख ५७ हजार रुपैयाँ रहेको छ । जुन गत वर्षको असोज मसान्तसम्मको तुलनामा २०.१९ प्रतिशतले बढी हो ।
गत वर्षको सोही अवधिमा कम्पनीले ६ करोड ३५ लाख ३० हजार रुपैयाँ खुद ब्याज आम्दानी गरेको थियो ।
कम्पनीको चुक्ता पुँजी २७ करोड ७५ लाख ६३ हजार रुपैयाँ रहेको छ । कम्पनीले जगेडा तथा कोषमा भने १९ करोड ३४ लाख २ हजार रुपैयाँ राखेको छ ।
उक्त अवधिमा कम्पनीले खराब कर्जामा पनि केही सुधार गरेको छ । गत वर्षको असोज मसान्तसम्म ४.९२ प्रतिशत रहेको खराब कर्जा यस वर्षको सोही अवधिसम्म आईपुग्दा ४.३२ प्रतिशतमा झारेको छ ।
कम्पनीको प्रतिसेयर आम्दानी ६९ रुपैयाँ २० पैसा र प्रतिसेयर नेटवर्थ १६९ रुपैयाँ ६८ पैसा रहेको छ ।
वि.सं.२०७८ कात्तिक १७ बुधवार ११:१६ मा प्रकाशित