काठमाडौं । संचालनमा रहेकामध्ये आधा दर्जन जलविद्युत कम्पनीले आर्थिक वर्ष २०७७/७८ लाभांश घोषणा गरेका छन् ।
हालसम्म विभिन्न आठ वटा जलविद्युत कम्पनीले लाभांश घोषण गरेका हुन् । आठ कम्पनीमध्ये तीन कम्पनीले भने नगद लाभांश मात्र वितरण गर्ने भएका छन् ।
लाभांश घोषणा गरेका कम्पनीमध्ये सबैभन्दा बढी ङादी ग्रुप पावरको रहेको छ । कम्पनीले आव २०७७/७८ को मुनाफबाट सेयरधनीहरुलाई २१ प्रतिशत लाभांश घोषणा गरेको छ । जसमध्ये २० प्रतिशत बोनस सेयर र १.०५ प्रतिशत नगद लाभांश रहेको छ ।
यस्तै, अपि पावर कम्पनीले ११.०५ प्रतिशत लाभांश प्रस्ताव गरेको छ । कम्पनीले लगानीकर्तालाई साढे १० प्रतिशत र नगद लाभांश ०.०५ प्रतिशत दिने भएको हो ।
त्यसैगरि सानिमा माई हाइड्रोपावरले १० प्रतिशत बोनस र ०.५३ प्रतिशत नगद गरि कुल १०.५३ प्रतिशत लाभांश दिने भएको हो ।
यता, रुरु जलविद्युत परियोजनाको १० प्रतिशत बोनस र ०.५३ प्रतिशत नगद, सिनर्जी पावरले १० प्रतिशत बोनस र ०.५३ प्रतिशत नगद लाभांश दिने प्रस्ताव गरेका छन् ।
रैराङ हाइड्रोपावर, रिदी हाइड्रोपावर र सुपरमाइ हाइड्रोपावरले नगद लाभांश दिने भएका हुन् ।
जसमध्ये रैराङले १२.६ प्रतिशत नगद लाभांश, रिदीको १२.६ प्रतिशत र सुपरमाइ हाइड्रोपावरको ११.५ प्रतिशत रहेको छ ।
कुनको कति ?
वि.सं.२०७८ कात्तिक २३ मंगलवार १४:४० मा प्रकाशित
