काठमाडौं । साताको दोस्रो कारोबार दिन सेयर बजारमा भारी अंकको गिरावट आएको छ । उक्त दिन बजार ७९.७९ अंकले घटेको हो ।
मंगलबार बजार परिसुचक २७४९.८६ अंकको बिन्दुमा पुगेर बन्द भएको छ । उक्त दिन कारोबार रकममा भने बढोत्तरी देखिएको छ । आज ६ अर्ब ५२ करोड ७७ लाख २९ हजार रुपैयाँ बराबरको सेयर कारोबार भएको छ ।
उक्त दिन नबिल बैंक सबैभन्दा बढी सेयर कारोबार भएको छ । आज बैंकको २९ करोड ८२ लाख ८१ हजार रुपैयाँ बराबरको सेयर खरिदबिक्री भएको हो ।
कारोबार रकमकै आधारमा दोस्रो स्थानमा रहेको साहस उर्जाको २५ करोड ७९ लाख ५४ हजार रुपैयाँ बराबरको सेयर खरिदबिक्री भएको छ ।
यस्तै, उक्त दिन अपि पावरको २२ करोड ३६ लाख ६४ हजार, नेशनल हाइड्रोपावरको २० करोड ९४ लाख ८७ हजार, प्राइम कमर्सियल बैंकको २० करोड ८९ लाख ६६ हजार रुपैयाँ बराबरको कारोबार भएको छ ।
वि.सं.२०७८ कात्तिक २३ मंगलवार १५:१९ मा प्रकाशित