काठमाडौं । साहस उर्जाको सेयर मूल्य उच्च दरमा वृद्धि भएको छ । कम्पनीको सेयर हालसम्म ६ दिन कारोबार भएको छ ।
उक्त अवधिमा कम्पनीको सेयर मूल्य ७१७ रुपैयाँ पुगेको छ । नेपाल स्टक एक्सचेञ्ज(नेप्से)का अनुसार कम्पनीको हालसम्म( ६ कारोबार दिन) २८ करोड ३८ लाख ९ हजार रुपैयाँ बराबरको कारोबार भएको हो ।
कम्पनीको उक्त अवधिमा ४ लाख १० हजार ४८३ कित्ता सेयर खरिदबिक्री भएको नेप्सेले जनाएको छ ।
कम्पनीको सेयर गत कात्तिक १४ गतेदेखि कारोबार सुरु भएको हो । पहिलो कारोबार दिन कम्पनीको सेयर मूल्य ४४५ रुपैयाँ ८० पैसा कायम भएको थियो ।
कम्पनीको सेयर मूल्य पहिलो कारोबार दिनदेखि नै उच्च दरमा वृद्धि हुँदै आएको छ । कम्पनीले असोज १७ गतेदेखि सर्वसाधारणका लागि आईपीओ जारी गरेको थियो । कात्तिक ११ गते धितोपत्र दोस्रो बजारमा सूचीकृत भएको थियो ।
वि.सं.२०७८ कात्तिक २४ बुधवार १७:३१ मा प्रकाशित
