काठमाडौं । वोमी लघुवित्त वित्तीय संस्थाले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
बिहीबार प्रकाशित वित्तीय विवरण अनुसार कम्पनीले चालु आवको असोज मसान्तसम्म ४ करोड ९१ लाख ७७ हजार रुपैयाँ नाफा गरेको छ ।
कम्पनीको नाफा गत वर्षको असोज मसान्तको तुलनामा १९५.२६ प्रतिशतले बढी हो । गत वर्षको उक्त अवधिमा कम्पनीले १ करोड ६६ लाख ५५ हजार रुपैयाँ नाफा कमाएको थियो ।
उक्त अवधिमा कम्पनीले १० करोड ८ लाख ४९ हजार रुपैयाँ खुद ब्याज आम्दानी गरेको छ । कम्पनीको खुद ब्याज आम्दानी गत वर्षको असोज मसान्तको तुलनामा ११७.७१ प्रतिशतले बढी हो । गत वर्षको सोही अवधिमा कम्पनीले ४ करोड ६३ लाख २२ हजार रुपैयाँ खुद ब्याज आम्दानी गरेको थियो ।
कम्पनीको चुक्ता पुँजी ४१ करोड १९ लाख ४४ हजार रुपैयाँ रहेको छ । कम्पनीले जगेडा तथा कोषमा भने ३५ करोड ४५ लाख २९ हजार रुपैयाँ राखेको छ ।
चालु आवको असोज मसान्तमा कम्पनीको खराब कर्जा बढेको देखिएको छ । गत वर्षको असोज मसान्तमा १.३७ प्रतिशत रहेको खराब कर्जा यस वर्षको सोही अवधिमा भने बढेर २.९९ प्रतिशत पुगेको छ ।
कम्पनीको प्रतिसेयर आम्दानी ४७ रुपैयाँ ७५ पैसा र प्रतिसेयर नेटवर्थ १८६ रुपैयाँ ०६ पैसा रहेको छ ।
वि.सं.२०७८ कात्तिक २५ बिहीवार ११:३० मा प्रकाशित
